收到線人匯報，一名博士正秘密進行一項基因實驗，密謀將Hello Kitty大改造！潛入其地下密室後，發現原來一切都是為慶祝Hello Kitty三十五周年的噱頭；此外，麥記還乘勢推出年度新甜品，今日就一次過率先Show畀大家睇！文︰Fiona 圖︰陳鐵剛
麥記今年再次玩轉Hello Kitty，是次大玩實驗和進化主題。為首的Hello Kitty博士，身份其實是首席科學家兼實驗室話事人，花了畢生精力只為研究出Hello Kitty的進化論，除了原著版外，新鮮出爐的Kitty Lab完成品還有Baby版、士多啤梨版、海盜版和惡魔版，尤以BB版和士多啤梨版的造型最為可愛，粉絲絕對必換！不過論搶眼度就首推海盜版，衫和帽的細節位做得很細緻，套在Kitty身上勁Sharp醒！此外，Kitty Lab手挽袋亦教一眾女同事狂呼「卡華依」，以白雲為造型，非常可愛，實冧死各位女生！
新甜品冰涼登場
麥記今夏新推的兩款夏日甜品甚有睇頭，像藍莓新地淋上滿載豐富果肉的藍莓漿，配合幼滑新地，清涼醒神。而麥旋風也加推了士多啤梨味，食落更有一顆顆Kit Kat脆粒，果香重之餘也有濃郁朱古力味。另舊有的荔枝特飲、McCafe意大利咖啡奶昔和巨峰提子新地樂亦會再度現身。
「Kitty Lab玩轉實驗室收藏版套裝」，內裏包括Hello Kitty博士版公仔、全套5款Kitty Lab公仔、Kitty Lab手挽袋及Kitty Lab珍藏版買一送一美食優惠卡6張。買任何食品即可加$188換購。
換購方法：由7月1日至8月5日期間，於指定麥當勞分店購買任何食品即可加$20換購任何Kitty Lab公仔一隻，供應期有限，換完即止。
